Pitso ea Mohlomphehi Letona la Merafo Kolo ka la 28 Loetse 2018
Ho tsebisoa sechaba sohle sa metse ea Kolo, Mafeteng ka pitso ea Mohlomphehi Letona la Lekala la Merafo (Mining) e tlaba ka la 28 Loetse 2018 Moreneng Ha Petlane, ka hora ea leshome hoseng (10:00hrs).
Sepheo ke ho tla beha sechaba leseling malebana le methati e tlang ho lateloa ha morafi a fetela mothating o hlahlamang oa tšebetso, ho tla beha sechaba leseling malebana le liphalliso tsa malapa le masimo a tlo anngoa ke morafo. Ho boetse ho tlo buuoa ka lintlafatso tse kang motlakase, metsi le litsela.
Lekala la Merafo le kopa sechaba sohle se ka hare le kantle ho naha se amehang ka kotloloho ho tla ba teng pitsong ena.